Пусть в Осетии, на всем Кавказе возобладает энергия Добрососедства, Мудрости и Созидания!

Единство. Твердость. Взвешенность

Заявление президиума Координационного совета МОД «Высший совет осетин»

Наша задача - сближение и сплочение всех осетинских диаспор и землячеств.

Посетителям сайта

Опыт старших – бесценный дар, он служит нам не одно тысячелетие...

Обращение к соотечественникам

Сусæны мæйы (июлы), 9-æм бон, Хетæджы Уастырджийы бæрæгбон. Бирæ дзыллæтæ æрæмбырд сты ацы хатт Хетæджы къохмæ, уæллаг Ирæй дæллагмæ, Хуссарæй Цæгатмæ. Афæдзæй – афæдзмæ фылдæрæй – фылдæр кæнынц, ардæм, Хетæг кæм фервæзыд, уыцы къохмæ чи ’рцæуы рухс бараг кæнынмæ, йæхи, йæ хæстæджыты æмæ къабæзты бафæдзæхсынмæ.

Бирæ номдзыд адæм дзы фендæуыд: Цæгат Ирыстоны сæргълæууæг Битарты Вячеслав, Хуссар Ирыстоны (Паддзахад Аланийы) президент Бибылты Анатоли, дыууæ хицауады сæрдартæ æмæ бæрнон кусджытæ, фысджытæ, аивады архайджытæ. 14 Уæрæсейы регионтæй æмæ 1 фæсарæйнаг паддзахадæй ’рцыдысты, «Иры стыр ныхас» кæмæ фæсидт, уыцы ирон диаспорæты минæвæрттæ.

Дзуары лæг скуывта æмæ дыууæ Ирыстоны хайы бафæдзæхста Уастырджийыл. Уый фæстæ Битары-фырт æмæ Бибылы-фырт фæдфæдыл фæсидтысты ирон адæммæ, зæрдæбын арфæ сын ракодтой, цæмæй Ирыстон уа сабыр æмæ фæрнджын, цæмæй ирондзинад уа фидарæй – фидардæр æмæ нæ зæххæй хъуысой æрмæст фарны, лæгдзинад æмæ æндæр аккаг хабæрттæ.

Бæрæгбон ахæццæ дарддæр, кæддæры зарæджы хуызæн: Кæстæрты уадзут сæ кафыныл, хистæртæ рабадут! Чидæр ма дызæрдыг кодта, æмбæлы æви не ‘мбæлы кувæндоны кафын. Кæддæриддæр ирон бæрæгбон уымæй рæсугъд уыд: куывдтæй, арфæтæй, хъазтæй æмæ кафтæй. Ацы хатт симды бацыдысты цалдæр мин адæймаджи, чи зæгъы цыппар, чи та фондз. Мах сæ нæ нымадтам, фæлæ бирæ кæй уыдысты, уый бæлвырд у. Фæстæдæр чидæртæ цыдысты сæ хæдзæрттæм, фæлæ ма адæм алы рæттæй цыдысты æмæ цыдысты кувинæгтимæ Уац къохмæ. Уастырджийы фæдзæхст ут, ирон адæм! Хорздзинадæй цыдæриддæр уæ зæрды ис, уый уæ къухы бафтæд! Æгъдауджын æмæ амондджын ут!

Ариаг СИДАМОН

Портал органов власти РСО-А
Правительство Южной Осетии
Совет соотечественников
Наверх

 

Яндекс.Метрика