Наша задача - сближение и сплочение всех осетинских диаспор и землячеств.

Посетителям сайта

Опыт старших – бесценный дар, он служит нам не одно тысячелетие...

Обращение к соотечественникам

 

Ирыстоны дзыллæтæ, мæ зынаргъ æмбæстонтæ!Хетæджы Уастырджийы боны фæдыл уын арфæ кæнæм!

Нæ адæммæ кадджын æмæ æгъдауыл нымад чи у, уыцы бæрæгбон ахъаз кæны райгуырæн зæхх уарзынæн æмæ аргъ кæнынæн.

Хетæджы къохы бæрæгбон ахъаз у адæмы иудзинад фидар кæнынæн æмæ нымад цæуы адæмы фарныл. Уæдæ ирон адæмы иудзинад, фæсивæды не‘гъдауыл хъомылад – уыдон «Стыр ныхас»-æн дæр йа сæйрагдæр хæс сты.

Уадз, æмæ нæ цæстуарзон ракуывтытæ æмæ бæллицтæ царды цæуой рæсугъдæй.

Табу нæ сыгъзæрин тæхгæ-нæргæ Уастырджийæн! Уадз, æмæ Ирыстоны алы хæдзарæй дæр хъуысой сывæллæтты хъæртæ, æмæ амондджын уой не’ппæт кæстæртæ дæр! Хетæджы Уастырджи!

Зæдты уынаффæдоны бадыс, æмæ цы амондджын тæрхæттæ рахæссут, уыдонæй нæ гыццыл Ирыстонæн дзадджын хай бакæн!

Иры алы кæмтæй, алы мыггагæй дæ рухс кувæндонмæ цы кувинæгтæ цæудзысты, уыдон дын барст уæнт!

Ирыстоны дзыллæтæ дæ фæдзæхст! Фыдбылыз æмæ æнамонддзинадæй сæ бахиз!

Сыгъдæг зæрдæйæ дæм чидæриддæр кувы, уыдонæн бахай кæн дæ бирæ хæрзтæй! Ирыстоны адæм, Цæгатæй Хуссармæ!

Нæ иудзинад фидар æмæ æнæхæлгæ уæд! Уæ бæрæгбæттæ уыл хъæлдзæг æмæ æнæмастæй цæуæнт!

«Иры стыр ныхас»-ы номæй Басаты Барис

Портал органов власти РСО-А
Правительство Южной Осетии
Совет соотечественников
Наверх

 

Яндекс.Метрика